«Буккроссинг»
«Буккроссинг» бойынша мектебімізде 1қабатқа көрме жасалып оқушылар таңдаған кітаптарын алып оқып жатыр. «Буккроссинг» сөзін (ағыл. «bookcrossing») қазақшаға аударғанда «кітап сыйлау» немесе «кітаптың айналыста жүруі» деген мағынаны білдіреді. Буккроссинг бүгінде бірегей қоғамдық қозғалыс болып табылады. Оның мәні өте қарапайым: буккроссинге қатысушы адам өзі оқыған кітапты басқалардың да оқуы үшін қоғамдық орында (саябақ, кафе,аялдама, кітапхана және т.б) қалдырады, екінші адам алған кітабын оқып шыққан соң дәл солай келесі адамдарға ұсынады. Бүгінгі таңда «Буккроссинг» акциясы бойынша жұмыстар С.Сейфуллин атындағы №7мектеп-гимназия қабырғасында өтіп жатыр.
Осы акция бойынша оқушылар арасында бір-біріне кітап сыйлау науқаны жүріп жатыр. Атап айтсақ, 8 «Д» сынып оқушысы Қобыланқызы Сабина,
2 «Б»сынып оқушысы Ералықызы Мерей,10 «А» сынып оқушылары Төлеутай Алтынай,Дарибекова Айзат,Мұхамеджанова Алтынай,6 «Д» сынып оқушылары Қажымұратұлы Ернат,Мұхтарбеков Саржан,7 «А» сынып оқушылары Сарина Малика, Абентаева Дильназ және №3 кітапхана филиалының қызметкерлері. Акция өз қолдауын тауып әрі қарай жалғасын табады деген ойдамын. Кітап-білім бұлағы,білім көзі. Рухани байлық кітап оқу арқылы молаяды. Ал бүгінгі таңда жас ұрпақты кітап оқуға баулуды түрлі шаралар арқылы жүзеге асыруды мақсат етіп отырмыз.
Балқаш қаласы,
С.Сейфуллин атындағы №7мектеп-гимназиясының
кітапхана меңгерушісі
Байжұманова Саягүл Тұяққызы
