Бананның пайдасы.
Бүгінде бананды білмейтін жан жоқ. Күнделікті болмаса да пайдаланамыз. Бұл жағымды , тәтті жеміс қана емес денсаулыққа пайдасы да зор. Енді құрамына, қуатына келейік. 100г. Жемістің қуаты 90 ккал-ны құрайдыекен. Құрамында 20% углевод, 16% қант, мұнан өзге Е, С, В6 сияқты дәрумендермен қатар как калий, магний, натрий сияқты микроэлементтер бар, майдық құрамын таба алмайсыз. Банан талшықтары ағзаға тез сіңіп, қорытылып кетеді. Егер сіздің қан қысымыңыз жоғары болса, күнделікті дастархан мәзіріне осы тропикалық жемісті енгізіңіз.Дәрігерлер күніне екі рет банан жеген қан қысымын төмендетіп, инсульттің дамуына кедергі болады дегенді айтады. Сондай-ақ күніне тек банан ғана жесеңіз, артық салмақтан арылуға да болады. Оның негізгі екі жолы мынадай: Біріншісі – қатаңдай , 3-4күнге есептелген, 3 келідей салмақ тастау мүмкіндігі бар. Ол үшін бір күнде 3 банан және 3 стакан майынан арытылған сүт ішесіз, егер күніне 5 рет тамақтануды әдетке айналдырсаңыз осы көлемді 5-ке бөлуге болады.Егер сүт іше алмасаңыз 1% майлылығы бар айран ішуге болады. Бұл тағамдарды талғамыңызға қарай жеке-жеке болмаса араластырып тұтыну амалдары да бар. Екіншісі - өте қолайлы, бірақ тиімділігі төмендеу(мұндай жағдайда 1 кг. артық салмақтан арылуға болады). Ұзақтығы 3-7 күн. Күніне 1,5 ккелідей банан жей бересіз және қай кездежегіңіз келсе сол кезде. Сусыныңыз көк шай болады, құмшекердің орнына қалаған мөлшерде оны алмастыратын тәттіні тұтынған жөн. Сонда бір күнде тұтынылған тағам қуаты 1300 ккал шамасында болады. Ескерту: банан құрамындабелок өте аз мөлшерде болатындықтан 6-7 күн диета ұстаған жағдайда 2 жұмыртқа жеуге болады. Банан диетасының пайдасы: +Бұл жемістің құрамында калий көп болғандықтан жүректің бұлшық еттерінің жұмысы жақсара түседі. Егер сіз ағзаңызды тазарту амалдарымен айналыссаңыз, күріш диетасында отырсаңыз болмаса, ағзадан тұз көп кететін жағдайлар орын алса диетаның пайдасын сезінесіз. +Калийде сондай-ақ тоқ ішекті және зәрді жүргізетін қасиеттер бар, ендеше ағзаңыз керекемес шлак,токсиндерден арылып жатыр деп есептеңіз. Банан жеп жүрген күндері іш қатып қалу сияқты мәселе туындамайды, ол ішектеріңізді тазалап береді. +Бір жеміске басымдық беретін мұндай диеталардың ішкі құрылыстардың жұмысының жақсаруына үлесі зор. Зияны: -Егер сіз бананды сүйсініп жемейтін болсаңыз, мұндай диетадан кейін оған қарай да алмай қаласыз. -Егер банан диетасынан кейін бірден өзіңіз сүйіп жейтін тағамдарға ашқарақтана қол салсаңыз, тастаған салмағыңызды сол сәтте-ақ қайтадан жинап аласыз. Бұл диетаның артықшылығы: Алдымен ішекте қалып қойған тамақ қалдықтары кетеді, бұл сіздің ағзаңыздағы зат алмасуына оң ықпалын тигізеді, теріңіз жақсара түседі. Бірақ ертеңіне майлы және тәтті тағамдар жеуді бастасаңыз баяғы бәз қалпыңызға түсетінің есіңізде жүрсін.
Қымыздың пайдасы
Қымыздың құрамындағы «С» дәрумені сиыр сүтімен салыстырғанда он есе көп. Қымыздың құрамында жыныс гармондарына жақсы әсер ететін ферменттер бар. Бұл әйелдерді бедеуліктен, ерлерді белсіздіктен қорғайды. Қуаттандырады. Құрт ауруларының алдын алады, ауырған адамның қайта қалпына келуіне жақсы ықпал етеді. Саумал қымызды ем ретінде буын ауруларына ішсе тіпті пайдалы. Салданудың алдын алады. Жаңа босанған келіншектің сүтін молайтып, нәрлі етеді. Демек, емізулі балаға да пайдасы орасан. Ашыған қымыз шөлді басып, қантамырды қордаланған зиянды қалдықтардан тазартады. Іш қатудың алдын алады. Ашығудан кейін қымыз ішу буын ауруларына өте пайдалы. Адам денесінің күш-қуатын арттырады, бүйрек пен бауырды қанықтырады, қан тамырларын тазалайды. Буын аурулары мен сүйектің қақсауын, жүйкенің жұқаруын, бас айналуын, созылмалы сары ауру (гепатит), ұйқысыздық, ішектегі жара (гастрит) сияқты аурулардың алдын алады немесе жеңілдетеді. Қымыз адамның физикалық жағдайын оңалтып, тәбетін ашады, ас қорытуды жақсартады. Дәрігерлер қымызды безгек ауруына және жөтелге қарсы ішуге ұсыныс жасайды. Қымызбен емделгенде қан құрамындағы гемоглобин эритроцит көбейеді. Тамырдың соғуы жиілеп, қан айналымы жылдамдайды. Қан тамыры жұмысы мен жүрек соғысы жақсарады. Кез келген сүттегі ең бағалы зат - ақуыз. Бие сүтінде ол 1,8 - 2 % болады. Қымызда шамамен 1,3 - 2,0% май бар, бұл сиыр сүтіндегіден 2 есе кем.
