Разработка урока "Жамбыл Жабаев"

11-сынып -------------- Қазақ әдебиеті

Сабақтың тақырыбы: Жамбыл Жабаев – жыр алыбы

Сабақтың мақсаты: Жыр алыбы Жамбыл Жабаев туралы толық мағлұмат бере отырып, оқушыларды ақынның шығармашылық жолдарымен таныстыру, шығармаларының мазмұнын меңгерту.

Міндеті:

• ақын және оның шығармашылығы туралы оқығандарын ортаға салу, өзін-өзі тәрбиелеуге жетелеу, сөйлеу мәдениетін қалыптастыру, шапшаңдыққа іскерлікке баулу, оқушыларға эстетикалық тәрбие беру.

• оқушылардың ақын шығармашылығы туралы дүние танымын кеңейту, ой-өрісін дамыту, ойлануға, қорытынды жасауға дағдыландыру, шығармашылықпен жұмыс істеуіне ықпал ету, ой шеберлігін арттыру, білімдерін өз беттерінше қолдануға баулу.

• сабаққа деген қызығушылықтарын арттыру.
  Сабақтың түрі: дәстүрлі

Сабақтың типі: жаңа сабақты меңгерту
Сабақтың әдіс-тәсілдері: сұрақ-жауап, «Топтастыру» әдісі, топпен жұмыс, «Іздендіру» әдісі, сатылай кешенді талдау.
Пәнаралық байланыс: орыс тілі, тарих.
Сабақтың көрнекілігі: ақын портреті, ақын шығармашылығына арналған буклет, кітап көрмесі.
Сабақтың барысы:
I. Ұйымдастыру кезеңі.

ІІ. Үй жұмысын пысықтау.

1. Ілияс Жансүгіровтың шығармашылығы туралы мазмұндау.

ІІІ. Жаңа сабақ

а/ Сабақтың мақсатымен таныстыру.

1. Мұғалімнің кіріспе сөзі.

Жамбыл Жабаев – қазақ әдебиеті тарихында ерекше орын алған халық ақыны. Ол – он жасынан бастап жүз жасқа келгенге дейін өлең шығарған аса дарын иесі.

ә/ Ақынның шығармашылық жолы:

Жамбыл Жабаев 1846 жылы қазіргі Жамбыл облысы, Мойынқұм ауданыда Жамбыл, Хантау деп аталатын таулардың баурайында туған. Ақын өзінің айтуы бойынша оған осы таудың аты берілген. Ол ерте жастан домбыра тартып, ән салып, өлең шығарған. Ақын батырлар жырларын, хисса дастандарды жатқа айтатын болған. Жамбыл жас кезінен ақындық жолды таңдайды. Жамбыл қазақтың атақты ақыны Сүйінбайдан бата алған. Ақын 1945 жылы қайтыс болды. Жамбыл шығармалары орыс тілі арқылы бүкіл әлемге тарап «ХХ ғасырдың Гомері» атанды. Ақынның 150 жылдық тойы ЮНЕКСКО бойынша тойланды

2 . Ақынның өмірі мен шығармашылығы туралы кесте жасау.

1. Ақынның «Зілді бұйрық» өлеңінің мазмұнына талдау.

Жетісудағы көтерілістің оқиғалары, оған басшылық еткен адамдардың аттары нақты аталып, патшаның қарулы әскерімен болған ұрыста халықтың қырғынға ұшырауы суреттеледі. Өлеңде ел билеуші отаршылдарға , болыстарға қарсы бағытталған көтерілістің мақсатын ашады.

4.Топпен жұмыс:

Шығармашылық жұмыс - 1- топ «Жамбылдың айтыс өнері»

2- топ «Жамбылдың жыр -дастандары»

5.Кітаппен жұмыс: Жамбыл Жабаевтің өлеңдерін оқып талдау.

6. «Өтеген батыр» поэмасына сатылай кешенді талдау жасау.

1. Авторы –

2. Тақырыбы –

3. Әдеби жанр түрі –

4. Поэманың негізгі идеясы –

5. Поэманың композициялық құрылысы -

5.1. Сюжеттің басталуы-

5.2. Сюжеттің байланысы –

5.3. Поэманың шешімі-

6. Поэмадағы кейіпкерлер бейнесі –

6.1. Жағымды, жағымсыз кейіпкерлер

7. Тәрбиелік мәні-

8. Әдебиет теориясы

Ақынның Отанға деген сүйіспеншілік сезіміне толы жырлары халықтың ерлік рухын көтеріп, оның жауды жеңуге деген сенімін арттыруға бағытталды.

ІҮ.Білімді бекіту.

1. Ақын есіміне қай таудың аты берілген?

2. Ақын кімнен бата алған?

3. Ақын өлеңдерінде не суреттелген?

4. Ақын бай –болыстардың халыққа қиянатын қай өлеңдерінде баса көрсеткен?

5. Ақынның Отан соғысы жырларында жазған өлеңдері қандай?

Ү. Білімді бағалау

Оқушылардың ынтасына,жауаптарына қарай білімдері бағаланады.

ҮІ. Үйге тапсырма.

1. Ақын шығармашылығын мазмұндау.

2. «Жамбыл Жабаев –айтыс ақыны» реферат.