ХХІ ғасыр көшбасшысы
Сабақтың мақсаты: Ойы жүйрік, танымдық деңгейі жоғары, интелектуалдық дарынын ашу, белсенділіктерін арттыру, білімдерін көтеру
Сабақтың түрі: сайыс сабақ
Көрнекіліктер: суреттер, плакаттар, интерактивті тақта, слайд
Әдіс-тәсілдері: сұрақ-жауап, түсіндіру, баяндау.
Сабақтың барысы:
Жоспары:
1-тур: «Бәйге»
2-тур: «Жорға»
3-тур: «Көкпар»
Жүргізуші: Армысыңдар, құрметті қонақтар!
Ағайын мен халайық!
Көпшіл болған ер дана.
Достары көп ер бала.
Өнерліден үлгі алып,
Салдырар сәнді мол қамал.
Өнерлімен дос болсаң,
Қиялыңды қорғайды - демекші, бүгінгі ХХІ ғасыр көшбасшысы атты интеллектуалдық сайысымызды бастаймыз! Әділқазылар алқасымен таныс болайық!
Ән - көңілдің ажары,
Күй – көңілдің базары – демекші бүгінгі сайысымыздың шымылдығын ашатын 4Г сынып оқушысы Мхитарян Ашод Нұрғиса Тілендиевтің «Әлқисса» атты күйімен.
1-тур: «Бәйге»
Бөлімімізді бастайық!
Жүйріктен жүйрік озар жарысқанда-демекші, қане көрелік, алғашқы бөлімімізде ойыншыларымыз өздерін қалай ұстар екен...
Ойын шарты: берілген сұрақтарды мұқият тыңдап алып, қолдарыңызды көтересіздер. Бірінші болып көтергендеріңіз жауап бересіздер. Әр дұрыс жауапқа «2 ұпай» беріледі.
«Құлақтан кіріп бойды алар
Әсем ән мен тәтті күй,
Көңілге түрлі ой салар,
Әнді сүйсең, менше сүй »-деп Абай атамыз айтпақшы, келесі кезекті 4В сынып оқушылары Жолдыбекова Сұлтана мен Бурцева Кристина «Жау-жау жаңбыр» әнімен
2-тур: «Жорға» (4оқушы қатысады)
Бөлімімізді бастайық!
Көп жасаған білмейді, көп көрген біледі – демекші сайысымыздың ІІ бөлімі «Жорға» деп аталады. Ойынның шарты мынадай: Әр қатысушы электронды оқулықтан ұяшықтарды таңдап, сұрақтарға жауап береді.Әр дұрыс жауапқа «10 ұпай» беріледі.Ұпайы ең аз қатысушы сайысымызды бастайды.
Би : 4«Д»сынып оқушысы Айша «Самбо» биімен
3-тур: «Көкпар » (3оқушы қатысады)
«Өнер алды – қызыл тіл» демекші, қатысушыларымыздың тілдерді қалай білетіндігін тексерейік. Әр оқушыға 10 сөз орыс тілінде беріледі, ол сөздерді қазақша және ағылшынша немесе неміс тіліне аударады, әр тілде дұрыс аударылған сөзге жоғарғы ұпай - 3 ұпай.
Барлық кезеңдер бойынша қорытындылап, жеңімпаздарды марапаттау.
