Математика "Тура және тура емес теңдіктер" 1-сынып

Сабақ тақырыбы:

Тура және тура емес теңдіктер

Мектеп:

Күні :

Мұғалімнің есімі:

СЫНЫП: 1

Қатысқандар саны:

Қатыспағандар саны:

Оқу мақсаты:

теңдікті және теңсіздікті, теңдеуді біледі; тура және тура емес теңдікті ажырата алады;

“=”, “≠”, “>”, “<”, “+”, “-” таңбаларын қолдана алады.

Барлық оқушылар:

Оқушылардың басым бөлігі:

Кейбір оқушылар:

Ресурстар:

салыстыруға арналған әртүрлі санды өрнек жазылған парақшалар;

салыстыру белгілері жазылған парақшалар;

ламинатталған қағаз парақтары; маркерлер;

Тірек сөздер

Тура және тура емес теңдіктер

Сабақтың мақсаты:

Қосу және азайту амалдарымен берілген санды өрнектерді салыстыру; сандар, шамалар, санды өрнектер арасындағы қатынасты анықтау дағдысын дамыту. Салыстыру нәтижесін арнайы белгілер арқылы белгілеуді үйрену, есептеу дағдысын, сыни тұрғыдан ойлау қабілеттерін дамыту.

Сабаққа байланысты деректі материалдар

Сабаққа қатысты ескертпелер

Ортасында қандай белгі тұрғанына байланысты санды теңсіздіктердің мәнін екі түрде көрсетуге болады. Егер екі санды өрнектің бірінің мәні екіншісінен артық немесе кем болса, берілген өрнек теңсіздік болады да, олардың арасына “>” немесе “<” таңбасы қойылады. Егер екі өрнектің мәндері бірдей болса, онда олар теңдік деп аталып, өрнектердің арасына “=” таңбасы қойылады. “≠” таңбасын теңсіздіктің екі бөлігін салыстыруға пайдалануға болады, бірақ біз нақтырақ нәтиже алу үшін “>” немесе “<” таңбалары арқылы салыстырып түрлендіреміз.

Сергіту сәті:

Би қимылдары

Психологиялық ахуал

Сыныптың ұраны:

Оқимыз, жазамыз, жеңеміз!

Сыныптың эмблемасымен (логотипімен) таныстыру

Күні кеше ғана елімізде қандай іс-шара болып өтті, балалар? (универсиада) Қай қалада өтті? (Алматыда)

Ендеше, бүгін бізде де білім универсиадасы өтеді, білімнен озық шыққан балалар марапатталатын болады.

Кіріспе тапсырма:

Миға шабуыл

Зейінді шоғырландыруға арналған тапсырма:

1. Мынау қандай өрнек? (2 амалды өрнек)
2. Ал мынау ше? (жақшалы өрнек)
3. Мына өрнекте қай амал алдымен орындалады? (жақшаның іші)
4. 1 сағатта неше минут бар? (60)
5. Аптада неше күн бар? (7 күн)
6. 1 айда неше күн бар? (30-31)
7. Сағат нешені көрсетіп тұр? ( 9 жарым)
8. Мынау қалай аталады? (15=15, теңдік)
9. Мынау ше? (19

3 қатардың оқушыларын шығарып теңдік, теңсіздік құрату.

Шығарып көр. Топпен жұмыс ұйымдастыру. Топ басшылары таңдаған өрнектерді салыстыру. (Топтар бір-бірінің жұмыстарын тексереді)

Оқулықпен жұмыс.

Саябақта. Оқулықта бейнеленген сурет бойынша велосипедтегі және шанадағы балалардың санын анықтап салыстыру. Оқушылар тек балалардың санын ғана салыстырып қоймай, бөліктермен қоса санау керек. Мысалы, үш бала болды, тағы төрт бала келді немесе жеті бала болды, төрт бала кетіп қалды. Оқушыларға сурет бойынша шағын мәтін құрастыруды тапсыру. Оқушыларға санды теңсіздіктерді салыстырып, оларды ажыраттыру.

Жауабы: а) 1 + 4 < 3 + 4 — бұл теңсіздік; ә) 5 – 2 < 7 – 3 — бұл теңсіздік; б) 5 – 3 = 7 – 5 — бұл теңдік.

Шығарып көр.

Оқушыларға бұл тапсырманы қалай орындайтынын айтуға мүмкіндік беру. Мысалы, олар оны бірінен кейін бірі жалғастырып орындауы немесе барлық тапсырманы жеке орындауы мүмкін. Өзара тексеру жасауға мүмкіндік беру.

Жауабы: үш қате:

20 + 40 = 70 – 30;

15 – 3 ≠ 16 – 4;

11 + 0 = 14 – 0.

Орындап көр. Тапсырманы жұппен орындату. Сурет бойынша саябақ жолдарының сызбасы қандай геометриялық фигуралар беретінін айту керек. Санды теңсіздік құрастырып, берілген жолдардың ұзындығын салыстыруды тапсыру.

Жауабы: 20 дм + 20 дм + 20 дм + 20 дм< 30 дм + 30 дм+ 30 дм; 80 дм < 90 дм.

Ойлан. Оқушыларды топтарға біріктіру. Бірнеше амалдармен берілген санды өрнектерді салыстыру тәсілін табуды ұсыну. Оқушылардың топта ақылдасуына мүмкіндік беру. Олардың жауаптарын тыңдау.

Екі амалмен берілген санды өрнектердің мәнін есептеу міндетті емес. Салыстыратын өрнектердің құрамындағы бірдей сандарды сызып тастап, қалған сандарды салыстыруға болады. Мысалы,

1 + 2 + 3 * 1 + 2 + 4; 3 < 4, яғни 1 + 2 + 3 < 1 + 2 + 4.

Жауабы:

10 + 20 + 40 * 10 + 20 + 50, 40 < 50, яғни 10 + 20 +

40 < 10 + 20 + 50.

“Теңдік және теңсіздік” тірек сөздерін қайталатып, ойын ұйымдастыру. Санды өрнектер және салыстыру белгілері жазылған парақшаларды пайдалану. Оқушыларды жұпқа бөлу. Оларға жұптаса отырып санды теңсіздіктерді салыстырып, тиісті салыстыру белгілерін қойып шығуды тапсыру. Тапсырманы орындап болған соң шыққан өрнекке­ байланысты “теңдік” немесе “теңсіздік” сөздерінің тиістісін айтқызу.

Дәптермен жұмыс:

Шытырманнан жүріп өт. Оқушылар санды өрнектерді салыстырып, тиісті белгіні қояды. Барлық өрнектердің ішінен санды теңдіктерді тауып, қоршап сызады.

Құрастыр және салыстыр.

Санды өрнектерді салыстырып, теңдіктерге белгі қояды.

Қорытынды

Тақтадағы суретті ребусты шешу. (құттықтаймыз)

Келген қонақтарды универсиада жеңісімен құттықтаймыз!

Бағалау

Кері байланыс:

«Еркін микрофон» әдісімен сабаққа кері байланыс беру.

Бүгінгі алған білімдерін «Блоб ағашы» әдісі арқылы бағалайды.

Оқушылар сабақтың соңында: сандар, шамалар, санды өрнектер арасындағы қатынасты (=, >, <) анықтауды меңгереді. Оқушылардың оқу материалын меңгеру деңгейін анықтау мақсатында мынадай сұрақтарды қою:

— өрнектерді салыстыру нәтижесін қалай жазуға болады? (Теңдік немесе теңсіздік түрінде.)

— Санды өрнектердің мәнін салыстыр және оның түрін анықта:

6 + 8 * 9 + 4; 17 – 3 * 14 + 2; 28 – 4 * 20 + 4.

— Кәмила бір пакетке 2 кг алмұрт және 3 кг өрік, ал екіншісіне 4 кг алма және 1 кг шие салды. Қай пакет ауыр?

Жұмыс дәптеріндегі “Жетістік баспалдағы” бойынша өзін-өзі бағалату.