«Аягөз қалалық №2 бөбекжай-балабақша» КМҚК
Білім беру саласы: Таным.
Бөлімі: Құрастыру.
Тақырыбы: “Пішіндерден жасалған саңырауқұлақтар”
«Гүлдер» ересек тобы
2016-2017 оқу жылы
Тәрбиеші: Мустафина Қ.С
Ұйымдастырылған ашық оқу қызметінің технологиялық картасы
Білім беру саласы: Таным.
Бөлімі: Құрастыру.
Тақырыбы: “Пішіндерден жасалған саңырауқұлақтар”
Мақсаты:
Білімділік:Саңырауқұлақ туралы білімдерін бекіту. Пішіндерден саңырауқұлақты құрастыруды үйрету.
Дамытушылық: Балалардың ой – өрісін, есте сақтау қабілетін, саусақ моторикасын дамыту.
Тәрбиелік: Табиғатқа деген қызығушылығын қалыптастыру, ұқыпты жұмыс жасауға тәрбиелеу.
Әдіс – тәсілдер: Түсіндіру, көрсету, сұрақ – жауап, сергіту сәті.
Билингвальды компонент:Саңырауқұлақ - грибок.
Сөздік жұмыс: Теңбіл.
Көрнекіліктер: Үлгі сурет, тұзды қамыр, тақтайша, түрлі – түсті қағаз, желім, майлық.
Сабақ түрі: Саяхат.
Пәнаралық байланыс: Коммуникация, әлеумет, таным.
Қолданылатын технология: Монтессори.
Ғажайып сәт: Тиын.
Жылулық шеңбері:
Әлемде нұр тыныштық
Әрбір бейбіт күн ыстық.
Қайырлы таң балалар
Жарқырайды даламыз
Жайнай түсті қаламыз.
Өткенді қайталау:
- Балалар, қазір жылдың қай мезгілі?
- Күз мезгілі.
- Балалар, күз айларын атап айтайықшы?
- Қыркүйек, қазан, қараша.
- Күз мезгілінде қандай өзгерістер болады?
- Күн суық болады, жаңбыр жауады.
- Құстар қайда кетеді?
- Жылы жаққа ұшып кетеді.
- Күз мезгілінде жапырықтар не істейді?
- Сарғайып жерге түседі.
Сөздік жұмыс: Теңбіл.
Жаңа сабақ:
- Балалар, тақтадағы суретке назар аударайық.
- Балалар, саңырауқұлақтар орманда өседі. Оның бірнеше түрі болады (ақ, қызыл, қоңыр, сары т.б.). Саңырауқұлақтардың ішінде жейтін, улы – жемейтін түрлері болады. Жаңбыр жиі жауса, саңырауқұлақтар биңк болып, көп болып өседі.
- Балалар, сендер саңырауқұлақ тергілерің келеді ме?
- Иә!
- Олай болса, бәріміз орманға саяхатқа барайық.
- Ой, қандай керемет, әдемі а,аштар! Қараңдаршы, көптеген жануарлар бар екен. Қане, атап көрейік (балалар атайды).
- Балалар, орманда шулауға болмайды. Өйткені, ормандағы жануарлар бізге ренжіп қалады. Орман – олардың мекені. Балалардың алдынан тиын шығады.
Тиын: - Сәлеметсіңдер ме, балалар. Мен қысқа азық болатын саңырауқұлақ жинай алмай жүрмін. Маған көмектесіңдерші.
- Балалар, тиынға көмектесеміз бе?
- Иә?
Балалар саңырауқұлақ теріседі.
Тиын: - Балалар, мынау маған аз, себетім толған жоқ.
- Балалар, олай болса, тиынға саңырауқұлақтар жасап берейік. Тиын бізбен бірге қонаққа жүр. Балалар, бәріміз балабақшаға оралайық.
- Енді, орнымызға отырайық.
Негізгі бөлім:
Сурет бойынша түсіндіру. Саңырауқұлақтың қалпағы, сабағы болады. Сабағының пішіні – сопақша, қалпағының пішіні – домалақ болып келеді.
Алдымен қамырдың бір кесек бөлігін алып, тақтайшаға алақан арасында есеміз. Ол саңырауқұлақтың сабағы болады. Келесі бөлшек кесегін алып, тақтайшаға қойып алақан арасында айналдырып домалақтаймыз. Шеттерін саусақтармен басып, жалпақтаймыз. Бұл саңырауқұлақтың қалпағы. Енді, қалпағы мен сабағын бір – біріне біріктіреміз.Қауіпсіздік ережесі.
- Балалар, сендердің алдында саңырауқұлақтың дайын сабағы. Енді саңырауқұлақты шөпке жабыстырамыз, оған саңырауқұлақтың қалпағын құрастырып жабыстырамыз. Саңырауқұлақтың бейнесі дайын болды.
- Балалар, енді жұмысымызға кірісеміз.
Сергіту сәті:
Саңырауқұлақ болайық
Тізе бүгіп отырайық.
Жаңбыр жауса көтеріліп
Өсіп – өсіп алайық.
Дидактикалық ойын: “Кім себетке саңырауқұлақ жинайды?”
Шарты: Шапшаңдыққа, ептілікке баулу.
- Балалар, осы жасаған саңырауқұлақты тиынға берейік.
Бекіту: Тиын: - Балалар, сендер маған көп саңырауқұлақ жасап бердіңдер. Сендерге көп рахмет!.
Қорытынды:
- Балалар, сендер саяхатқа қайда бардыңдар?
- Біз тиынға не жасап бердік?
Мақтап – мадақтау: Балаларды даралап, мақтап – мадақтау. Жұлдызша беру.
Үйге тапсырма: Мозайкадан саңырауқұлақ құрастыру.
Күтілетін нәтиже:
Білу керек:
Нені білу керек: Қамырдан және түрлі – түсті қағаздан пішіндерді пайдалану арқылы саңырауқұлақты құрастыра білуі керек.
Болу керек: Саңырауқұлақ туралы білімі мен түсінігі болу керек.
Істей білу керек: Ұйымшылдықпен жұмыс істей білу керек.
Тәрбиеші: Мустафина Қ.С
Әдіскер: Альсеитова Г.М
Тексерілді:
