Путешествие в мир сказок

Тақырыбы: Ертегілер еліне саяхаттау

Мақсаты: білімділігі: Оқушыларға ертегіні суреттеп,әңгімелеп айту, сахналап қою. Мән-мағынасын ашу, Халық ауыз әдебиетін оқытып, шығарма кейіпкерлерінің істеріне баға беріп, өз көз қарастарын білдіруге үйрету.

дамытушылығы: Оқушы бойындағы адамгершілік,инабаттылық қасиеттерді дамыту,

логикалық ойлауын және шығармашылық қабілетін дамыту.

тәрбиелік: Ұқыптылыққа, жауапкершілікке, жақсыдан үйреніп, жаманнан

жиреніп, баланы жақсылыққа бейімдеу. Жауапкершілікке тәрбиелей

отырып достыққа, қарым-қатынастарын дамыту.

Көрнекілігі: «Ертегілер еліне саяхаттау» плакаты, шарлар, гүлдер, ертегі кейіпкерлерінің суреттері,ақ қағаздар,пазлдар,ермексаз,түрлі түсті қағаздар.

Сабақтың барысы:

Сіздерден өскен балалар,

Батырлар мен даналар.

Құттықтаймыз мейраммен,

Құрметті біздің ата-аналар, балалар, ұстаздар!

І. Кіріспе сөз

Ертегілер ауыз әдебиетінің ең көне жанрына жатады. Бұларда көбінесе өмірде сирек кездесетін немесе мүлде кездеспейтін ойдан шығарылатын оқиғалар баяндалады.

Ол ауызша айтылып, ел есіне ғасырлар бойы сақталып, ұрпақтан-ұрпаққа ауысып, біздің дәуірімізге жеткен. Ертегілер көбінесе қара сөз түрінде айтылады. Кейде өлең түрінде де кездеседі.

Ертегілердің әдетте басталулары ұқсас: «Баяғы өткен заманда бір шал мен кемпірдің ……. болыпты» немесе «Ерте, ерте, ертеде, ешкі жүні бөлтеде» деп те басталады. Ертегі соңы олар «сөйтіп мұратына жетіпті» үнемі жақсылықпен аяқталады.