Батыс Қазақстан облысы
Казталов ауданы
Бостандық орта жалпы білім
беретін мектебінің қазақ тілі
мен әдебиеті пәні мұғалімі
Базартаева Гүлім Абайқызы
ІІ санатты ұстаз
Сабақтың тақырыбы: Ж.Аймауытов «Әнші» әңгімесі
Сабақтың мақсаты:
Білімділік: Оқушыларға Ж.Аймауытовтың әңгімесінің тақырыбын ашу, ән өнерінің құдіретін түсіндіру, әңгіме мазмұнын терең меңгерту арқылы әншінің азаматтық, адамдық бейнесін жан-жақты таныту;
Дамытушылық: Оқушыларды топтық жұмыстар арқылы дербес жұмыс жасауға, өз ойларын еркін жеткізуге дағдыландыру, танымдық ой-өрістерін, шығармашылық ойлауын дамыту. Талдау жасата отырып оқушының ой-өрісін, өнерге деген көзқарасын кеңейту, шығармашылық қабілетін ұштау;
Тәрбиелік: Өнерге деген құштарлықтарын арттыру, халықтың біртуар перзенттерін құрметтеуге тәрбиелеу. Өнер, ән құдіретін бағалай білуге баулу. Қазақ халқына тән адамгершілік қасиеттерді, өнерге деген сүйіспеншілікті бала бойына сіңіру.
Сабақтың түрі: Бекіту сабағы
Сабақтың әдіс-тәсілі: Ыстық орындық,ТИ кестесі, топтастыру стратегиясы, галереяға саяхат, өзін – өзі бағалау, кері байланыс
Көрнекілігі: Ж.Аймауытов пен Ә. Қашаубаев портреттері, плакаттар, шар, маркерлер, Қазақстанның картасы, глобус, эмблемалар, «Балқадиша» әні, өзін – өзі бағалау парақшасы, тақырыпшалар, т.б.
Сабақтың барысы:
І. Ұйымдастыру
-Амандасу, түгелдеу, геометриялық фигуралар арқылы топқа бөлу. Ынтымақтастық атмосферасын қалыптастыру (шарды жару арқылы «Бүгін ең керемет топ сендерсіңдер!», «Мына топтағы оқушылар қандай әдемі!», «Бүгінгі сабақта сендер жақсы білімдеріңді көрсетесіңдер!», «Ең ақылды, ең көрікті, ең білімді оқушылар мына топқа жиналған екенсіңдер!»)
ІІ. Үй тапсырмасын тексеру: «Ыстық орындық» (Тақырыпшалар арқылы оқушы үй тапсырмасын айтады)
1. Ж.Аймауытовтың өмірі мен шығармашылығы
2. Жетішатыр қаласының суреттелуі
3. Әнші Әмірқан осы...
4. Наурыз мерекесінде Әмірқанның ән салуы
5. Әмірқанға берілген теңеу
6. Әңгімедегі Әмірқан бейнесі
ІІІ. Постермен жұмыстану, қорғау: 1. Топ: «Әдебиетшілер» (Ж.Аймауытыовтың өмірі мен шығармашылығына жан – жақты тоқталады.)
2. «Әншілер» (Ә.Қашаубаев туралы мәлімет береді)
3. «Географтар» (Жетішатыр – Семей қаласы туралы түсінік береді)
4. «Ғалымдар» (Әңгімедегі прототип, теңеу, наурыз мерекесі туралы, сөздік)
IV. «Галереяға саяхат». Дарынды оқушымен жұмыс: суретке қарап өлең шығару
Нашар оқитын оқушымен жұмыс: суретке қарап әңгіме құрау
V. Оқулықпен жұмыс: Сөздікпен жұмыстану, танысу.
VІ. Сабақты бекіту: «ТИ» кестесі
| Бұрын | Қазір |
| Бұрын әншілік өнер орын алған | Қазір де әншілік өнер одан әрі даму үстінде |
| Бұрын наурыз мерекесі тойланған | Қазір де наурыз мерекесі тойланады |
| Бұрын Ақан серінің әндері айтылған | Қазір де сол әндер шырқалады |
| Бұрын ЭКСПО көрмесі болған | Қазір де ЭКСПО көрмесі өтпек |
Қорытынды: Мұғалімнің қорытынды сөзі:
«Адам боп келіп өмірге, адам боп өту – көп қиын» демекші, Әмірқан керемет таланттың иесі бола тұра адами қасиеттерін жоғалтпаған.
Иә, балалар, өнер – мәңгілік!
Әміренің репертуарында «Балқадиша», «Қанапия», «Жалғыз арша», «Шіркін-ай», «Келіншек», «Ақ қайың», «Екі жирен», «Үш дос», «Бес қарагер», «Дудар-ай» сияқты әндер болған.
Осыдан бір ғасырға жуық бұрын Әміре репертуарында Ақан серінің әні «Балқадиша» болған. («Балқадиша» әнін тыңдату)
«Өнер – таусылмас азық, жұтамас байлық» деп өнерге ғана бас иіп өткен біртуар дарын иесінің бойындағы жақсы мінез-құлықты өз бойларыңа үлгі етіп ала біліңдер. Өнерді бағалай білейік!
Үйге тапсырма: 1. «Әміре Қашаубаевқа хат» (шығармашылық тапсырма).
2. «Менің сүйікті әншім» атты ой - толғау
Бағалау. Топ басшысы бағалау парағын тапсырады, бағалайды, мұғалім сараптама жасайды.
Кері байланыс
