Ұйымдастырылған оқу қызметінің технологиялық картасы
Бөлімі: Тіл дамыту
Тақырыбы: Тұрмыстық бұйымдар
Мақсаты: Күнделікті өмірде тұтынылатын бұйымдардың аттарымен таныстырып, қасиеттерін айту. Көпше түрде айтуға үйрету. Көріп есте сақтауын, естіп ажыратуын жалпы моторикаларын дамыту. Сөздік қорын молайту. Дауыс екпінін түзету. Электр бұйымдарынан сақтанып, үлкендердің рұқсатынсыз пайдаланбауға тәрбиелеу.
Керекті құралдар: заттық, мазмұнды суреттер.
| Әрекет кезеңдері | Логопедтің іс-әрекеті | Балалардың іс-әрекеті |
| Мотивациялық қозғаушы |
-Логопед фонетикалық жаттығуларды орындауға шақырады. | -Балалар фонетикалық жаттығулар орындайды. |
| Ұйымдастыру іздену | -Артикуляциялық жаттығулар «Көңілді тілдің саяхаты». -Тыныстау жаттығуы.
-«Мынау не?» ойын жаттығуы. Логопед балаларға тапсырма береді: барлық заттарды атап, бір сөзбен атауын сұрайды.
-«Аз-көп»дидактикалық ойын. Зат есімнің көптік жалғауын қолдануға жаттықтырады. тоңазытқыш...., үтік.....
-Сергіту сәті. -Логопед балалармен музыка әуенімен сергіту сәті сөздері мен қимылдарын сәйкес орындайды.
-«Не үшін қажет?»-дидактикалық ойын. Логопед балаларға тұрмыстық бұйымды көрсетіп: «Тоңазытқыш не үшін қажет?» -деп сұрайды. Үтік, шаңсорғыш, теледидар, т.б.
| -Балалар артикуляциялық жаттығуларды орындайды. -Балалар тыныстау жаттығуын орындайды.
-Балалар суреттердегі тұрмыстық бұйымдарды айтады.
-Балалар көптік жалғаулар арқылы тұрмыстық бұйымдарды жаңа форма түрінде айтады: тоңазытқыш-тоңазытқыштар, үтік-үтіктер, т.б.
-Балалар сергіту сәті сөздерін қимылдарға сай орындайды, көңіл-күйлерін көтереді , демалады.
-Тоңазытқыш азық-түлікті ұзақ сақтау үшін қажет. т.б.
|
| Рефлексивті түзету | -«Не артық?» дидактикалық ойын. Логопед тұрмыстық бұйымдар арасынан артық заттарды табуға сұрайды. Қорытындылау: марапаттау, кім жақсы жұмыс істегенін сұрау. | -Тұрмыстық бұйымдар арасынан артық заттарды табады. -Балалар бір-біріне баға береді. |
Күтілетін нәтиже
Білу: Тұрмыстық бұйымдар туралы жалпылама түсінік.
Игеру: Көптік жалғауларды пайдалануды.
Меңгеру: Сұраққа толық жауап беруді.
