Пәні : Әдебиеттік оқу
Сынып : 3 «В»
Сабақтың тақырыбы: Ыбырай Алтынсарин. «Таза бұлақ »
Сабақтың мақсаты: Жаңа ақпараттық технологияларды пайдалана отырып, Ыбырай Алтынсариннің «Таза бұлақ» әңгімесімен таныстыру.
Сабақтың міндеттері:
1. Қазақтың көрнекі ақын – жазушысы Ы.Алтынсариннің өмірі, шығармашылығы туралы тереңірек таныстыру, әңгіменің тәрбиелік мәнін мәтінге сүйене отырып ашуға үйрету.
2. Оқушыларға бағыт – бағдар бере отырып, өз бетімен жұмыс істеуге, өздігінен қорытынды жасауға машықтандыру, шығармашылық қабілеттерін дамыту.
3. Әңгіме арқылы еңбек ету, жақсылық жасау, адал, таза болу идеясын бойға сіңіру, еңбекқор, адамгершілігі мол, жақсылықты жаны сүйетін адам болуға тәрбиелеу
Сабақтың типі: Жаңа білім беру.
Сабақтың түрі: Аралас сабақ.
Әдіс-тәсілдері: Түсіндіру, сұрақ-жауап, әңгімелеу,ой қозғау
Көрнекілік: Тақырыпқа байланысты суреттер, Ы.Алтынсариннің суреті, бейне ролик.
Сабақтың барысы:
Жоспар:
І. Ұйымдастыру кезеңі
ІІ. Үй тапсырмасымен тексеру
ІІІ. Жаңа сабақ.
ІҮ. Жаңа сабақты бекіту.
Ү. Қорытындылау, бағалау.
ҮІ. Үйге тапсырма.
І .Ұйымдастыру кезеңі.
Сабаққа психологиялық дайындық.
(Өлеңді хормен айтады.)
Армысың , алтын күн!
Көгілдір көк аспан!
Бармысың құстарым !
Қанатты достарым !
Суларым таза ма?
Талдарым аман ба?
Бас ием тауларға
Жамылған қарларға
Жайқалған даланы
Табиғат ананы
Көруге сағынып
Келген біз балаңыз .
II.Үй тапсырмасын тексеру.
1.Мәтінге сүйеніп, сурет бойынша әңгімелеу.
2. «Жақсылыққа жамандық бар» деген пікірге дәлелдер келтіру.
3. «Жақсылыққа тек жақсылық бар» деген пікірге дәлелдер келтіру.
III. Жаңа сабақ.
Ыбырай Алтынсарин. «Таза бұлақ »
Балалар, Ыбырай Алтынсарин кім ?
Тұңғыш ағартушы,тұңғыш хрестоматия авторы, мұғалімдер дайындады, тамаша педагог, дала жұлдызы, жазушы, қазақ даласына алғаш мектеп ашты.
Қандай әңгімелерін білесіңдер?
Аурудан аяған күштірек, Әке мен бала…
Қандай өлеңдерін білесіңдер?
- Кел, балала, оқылық, Өзен, Өнер білім бар жұрттар …
Тақтадан бейне роликті тамашалайық .
- Көңіл-күйлерін қандай? Алған әсерлері жайлы ой бөлісу
- Табиғаттан алған әсерлерін қандай ?
- Бұлақтың суы қандай екен?
- Бұлақ суының пайдасы бар ма?
- Бұлақ суының тазалығы, мөлдірлігі көз алдыңызға нені елестетеді?
Ыбырай Алтынсариннің «Таза бұлақ» әңгімесімен таныстыру.
Мәтінмен жұмыс.
1.Мәтінді оқып, мазмұнын ашу
2.Тізбектей оқыту
3. Бөліктерге бөліп оқыту
Сұрақтарға жауап алу.
1. Үш жолаушы бұлақ басынан қандай жазуды оқыды?
2. Бірінші жолаушының бұлақ басындағы жазу туралы пікірі қандай болды?
3.Еңбек туралы мақал-мәтел сұрау
4. Екінші жолаушының бұлақ басындағы жазу туралы пікірі қандай болды?
5.Адам бойындағы жақсы қасиеттер . «Ассоциация»
6. Үшінші жолаушының бұлақ басындағы жазу туралы пікірі қандай болды?
7.Тазалық туралы өз ойларын айтқызу
8. Сендер қай жолаушының пікіріне қосыласыңдар?
9. Үш жолаушы неге бірдей ойламады екен?
10. Егер де сіз сол жолаушылардың орнында болсаңыз,бұлақ басындағы жазуды қалай түсіндірер едіңіз?
Күн көзімен құрайық. (Жеке-жеке тарай бастайды.)
Дәптермен жұмыс.
2. Мәтіндегі үш жолаушының пікірлеріндегі нақыл сөздерді тауып, дәптеріне жаздырту .
Сен де адам, тынбай қызмет қыл, еш уақытта жалқауланып тоқтап қалма, сөйтсең ақырында сен де зорайып мұратыңа жетесің.
Біреуге жақсылық етсең, ол жақсылығыңды ешкімге міндет етпе.
Көңіліңді, бойыңды осы бұлақтай таза сақта.
Сергіту сәті.
Тамшы болып тамайық, (Бір орында секіреді.)
Арықпен бірге ағайық. (Екі-екіден бірігеді.)
Көлшік болып жиналып, (Төрт-төрттен бірігеді.)
Күнге қолды бұлғайық.(Қолдарын жоғары көтереді.)
Топтық жұмыс
I топ «Табиғат» туралы төрт жолдық өлең шығарады
II топ «Су- тіршілік көзі» Эссе жазады
III топ Бұлақтың суретін салады
Әңгімені сахналау.
IV. Сабақты қорытындылау.
Бүгінгі сабақ сендерге ұнады ма?
Несімен қызықты болды?
Рефлексия .Сабақтан алған әсерлерін жүрекке жазып , ілу.
Мен сендердің бұлақтың суындай мөлдір, тап-таза болып өскендеріңізді тілеймін.
V.Оқушының білімі мен белсенділігін бағалау.
VI. Үйге тапсырма:Ыбырай Алтынсариннің «Таза бұлақ» әңгімесін мәнерлеп оқып, мазмұнын әңгімелеп айту.
