Бала тәрбиесі- жауапты іс!
«Ұяда не көрсең,ұшқанда соны ілесің»-деп дана бабаларымыз бала тәрбиесіндегі ата-ананың рөлін бір ауыз сөзге сиғызған. Қоғамның алғашқы ұйытқысы –отбасында , бала үлкендермен араласады.Баланың қоғамдық,әлеуметтік дамуы жанұяда өз орнын алуынан басталады.
Бала -жас шыбық, қалай бейімдесек, солай өседі, жақсы мен жаманды бірдей қабылдайды. Халқымызда «әкеге қарап ұл өсер, шешеге қарап қыз өсер; әке көрген оқ жонар, шеше көрген тон пішер,» деген нақыл сөздер тегін айтылмаған.
Ата-ана өзінің мінезі,дағдысы,сөзі, іс-әрекеті арқылы баласына үлгі көрсетеді. Бала әрқашанда ата-анадан мейірімділікті,жылуды,сүйіспеншілікті қажет етіп, ата-ананы өмірдің тірегі деп санайды.
Дүниенің тамаша туындысы- тамаша тәрбие алып шыққан бала болып табылады. Адамның жеке басының қалыптасуы отбасынан басталады. Ержетуі,бойындағы адамгершілік, еңбексүйгіштік, сыйластық қасиеттері отбасында қалыптасады, сондықтан,
Туған үйден алатын жылу-оның көкірегінде ұзақ жылдар сақталады.
Бала үшін ата-ананың орны ерекше. Отбасы- бала тәрбиесінің ең алғашқы ұжымы, сол себепті баланың еңбекқор, тәрбиелі, тәртіпті болып өсуіне берекелі отбасының тигізетін әсері мол.Бүгінгі тілазар бала, кешегі-Сіз.
Адамға ең бірінші білім емес, тәрбие берілуі керек, тәрбиесіз берілген білім адамзаттың қас жауы,ол келешекте оның өміріне апат әкеледі-деген Әл-Фараби.
Сонымен, қорыта келе жас ұрпаққа тәлім-тәрбие беруді қоғам, балабақша,ұстаздар қауымы,ең бастысы ата-аналар болып қолға алсақ болашағымыз жарқын болады.
Балаларымызды отансүйгіштікке,ата-баба салт- дәстүрін құрметтейтін ұрпақ тәрбиелеу –жауапты іс, баршаға ортақ міндет.
Отбасы – адамзат бесігін тербеткен, баланың бас ұстазы -ата-ана. Әр отбасында ата-ананың орны бөлек. Отбасында әр бала әкеден ақыл, анадан мейірім алады.
Әке – отбасының асыраушысы,қамқоршысы,тірегі. Ана – отбасының ұйытқысы, жылуы,шуағы.Жақсы ана әрқашанда отбасына береке әкеліп,отбасын бақытқа бөлейді.
Ата-анаға баладан артық ешнәрсе жоқ,сондықтан да бала отбасының байлығы. Әр ата-ана баласының әдепті, білімді,мейірімді,қайырымды, мәдениетті, тәртіпті болуын қалайды. Отбасының берік болуына, ар-намысын сақтауға,адалдыққа тәрбиелеуде әке мен ананың орны ерекше. “Өнеге отбасынан ”- деген текке айтылмаған.
