«Ертегілер елінде» кеш
Мақсаты: Балаларды ертегі әлеміне саяхаттатып, ой- қиялдарын ояту. Ертегіге деген қызығушылықтарын арттыру
Көрнекілігі: гүлдер, қатырма қағаздан жасалған ойыншықтар, жұмсақ ойыншықтар, шарлар.
1-ж. Салеметсіздер ме, балалар!?
2-ж. Балалар, «Айгөлек» жазғы демалыс лагері сіздерге ұнап жатыр ма?
1-ж. Балалар, біз күн сайын түрлі ойындар мен шараларға қатыстық. Енді бүгін саяхатқа шығамыз. Барлығымыз саяхатқа шығуға дайынбыз ба?
2-ж. Ендеше кеттік. Ол үшін барлығымыз орнымызға отырамыз (бұл біздің ұшағымыз болады). Ұшақтың белдігін тағамыз. Енді ұшамыз (балалар қолымен ұшақтың қанатын жасайды) белдікті аламыз, қолымызды жоғары көтеріп ұшақтан шармен секіреміз, енді қонамыз (қолымызды түсіреміз).
1-ж. Балалар, біз қайда келдік? Мынау ән айтып жүрген кім? (Ертегілер елінде әні шырқалады)
2-ж. Мәссаған, біз ертегілер еліне келіп қалыппыз.
Кел онда, ертегіні шертейік біз,
Қауымды мына келген ертейік біз.
"Ертегі еліне" бір саяхаттап,
Келгендерді соңымыздан ертейік біз.
1-ж. Ертегілер еліне қош келдіңіздер балалар! Саяхатымызды ен алдымен «Қызыл телпектен бастайық» (ортаға қызыл телпек ертегісі )
2-ж. Қызыл телпекті де құтқардық. Аздап демалып алғанша « еріншектер елі» биін тамашалай тұрайық.
1-ж. Біраз демалдық енді әрі қарай жүрейік. Мына ән айтып жүрген кім болды екен?
2-ж. Ой, бұл мақта қыз ғой. Жүріндер мақта қыз бен мысыққа сәлем берейік. (мақта қыз бен мысық ертегісі корсетіледі)
1-ж. Мақта қыз бен мысықты да достастырдық. Енді қайда барамыз?
2-ж. Жүріңдер, кішкентай лақтарды көріп қайтайық. Олар не істеп жүр екен. (Жеті лақ ертегісі)
1-ж. Маған ана кішкентай лақ қатты ұнады. Өте ақылды екен. Балалар, бізде ақылды болайық иа.
2-ж. Мына жақты қараңдар бір торғай жарақаттанып қалған сияқты. (қотыр торғай ертегісі)
1-ж. Торғай да ақылды екен. Мен қатты шаршадым.
2-ж. Менде шаршадым, балалар да шаршады. Қарнымызда ашты.
1-ж. Менде бір ой бар. Ата мен әжеге барып бауырсақ жеп қайтайық. (бауырсақ ертегісі)
2-ж. Бауырсақ бізге бұйырмаған екен. Оны түлкі жеп қойды. Қарным да ашты. Кеште батып барады.
1-ж. Қараңдар, біздің ұшағымыз. Барлығымыз ұшаққа отырып үйге қайтайық.
2-ж. Міне, біз саяхатымызды аяқтадық. Ертегілер сіздерге ұнады ма балалар?
1-ж Өткен күн таң-тамаша ертегі ғой,
Айтады ертегі сыр, ертегі ой.
Ертегі айтса еліктіріп балалар,
Қиялға қызықтырып ертеді ғой.
2-ж. Ертегіде халықтың мұң-зары бар,
Орман, тау, өрмелейтін кұздары бар.
Жамандықпен алысып, жауын жеңген
Халқымның ұлдары мен қыздары бар!
1-ж. Жауларымен алысып жекелеген,
Батыр ма ел намысын өтемеген.
Ертегімен халқымыз ертеңіне
Ұрпағын қызықтырып жетелеген.
2-ж. Біздің бүгінгі «Ертегілер елінде» атты кешіміз осымен аяқталды. Сау болыңыздар!
Н.Байғанин орта мектебі
«Айгөлек» жазғы демалыс лагері
Тәрбиеші: Қалиева Жаңылсын
Студент –практикант: Кошетерова Мөлдір
2015 жыл
