Химия 9 сынып. «Ерітіндідегі ион алмасу реакциялары» (қысқа мерзімді сабақ жоспары)

Сабақтың тақырыбы: Ион алмасу реакциялары және олардың жүру шарттары
Сабақтың мақсаты:
● Алмасу реакциясы туралы өз ойларын растау
● Иондардың қасиеті ретінде электролиттердің қасиеттері туралы ұғымды тереңдету;
● Реакция аяғына дейін жүретін жағдайларға мысал келтіру;
● Молекулалық, толық және қысқартылған иондық теңдеулер құруды үйрету;
● Ион алмасу реакциялары 3 жағдайда ғана жүретіні туралы қорытындыға келу
Сабақ типі: Жаңа материалдарды меңгеру (Lesson Study түрінде).
Өтілу әдістері: Сұрақ – жауап, миға шабуыл, проблемалық ізденіс, тәжірибелік жұмыс, бірін - бірі бағалау, топты бағалау, жеке оқушыны бағалау.
Көрнекіліктер: E - learning бойынша СБР -дан №3116 - ның №6 - шы видео, кестелер, таблица, интерактивті тақта, слайдтар, реактивтер, оқушыны және топты бағалау парақтары.

Сабақтың барысы
І. Ұйымдастыру кезеңі
А) Сынып оқушыларын топқа бөлу
Б) Оқушылардың сабаққа қатысуы

ІІ. Жаңа сабақ
1. Жұмыс жасау ережесін белгілеу, ілу, сабақ барысында осы ережелерге бағыну.
Мысалы, 1. Тәртіп 2. Уақытты тиімді пайдалану 3. Бір - бірін тыңдау білу, т. б.

2. Миға шабуыл (Қалай ойлайсыздар, топтар қандай әдіс немесе принцип бойынша топталды?)
ТОП
Тұнба
Газ
Аз еритін немесе су

Оқушылардың болжау жауаптары (Осы 3 топтың атауы аяғына дейін жүретін реакциялардың шарттары. Ол - ион алмасу реакциялары).
3. Жаңа сабаққа кіріспе.
Иондар арасында жүретін реакциялар ионды реакциялар деп аталады.
Иондар арасында жүретін реакциялар қай кезде жүреді?
Оқушылардың болжау жауаптары (Электролиттердің судағы ерітінділері өзара әрекеттескенде).

Күшті электролиттердің ерітінділері арасындағы ион алмасу реакциясының аяғына дейін жүру шарттары:
1) Аз еритін заттардың түзілуі (тұнба ↓)
2) Газ тәрізді немесе ұшқыш заттардың түзілуі (↑)