Тақырыбы: Спорт және математика.
Мақсаты: Математика пәніне деген қызығушылығын арттыру, оқушылардың ой-өрістерін, шығармашылық қабілетін дамыту, еңбекке, өзін-өзі басқаруға, ұйымшылдыққа, тазалыққа, ұқыптылыққа және дәлдікке, қимыл мен ойды ұштастыра білуге, салауатты өмір салтын сақтай білуге тәрбиелеу.
Көрнекілігі: слайдтар, спорттық құралдар, плакаттар, карточкалар.
Түрі: Сайыс, жарыс ойын.
Әдісі: сұрақ-жауап, есептер шығару.
Жоспары:
Таныстыру
«Кенгуру»
«Картоп егу»
«Көкпар»
«Секіріп ойлан»
Қорытынды
Жүргізуші: Құрметті ұстаздар мен оқушылар! Еліміздің ертеңі білімді, дені сау азаматтың қолында екені өздеріңізге белгілі. Бүгінгі білімді шәкірт ертеңгі ел тұтқасын ұстайтын азамат. Елбасымыз Н.Ә.Назарбаев өз жолдауында айтып кеткендей «Біздің болашақ ұрпағымыз өсіп-жетілуіне әлеуметтік жағдайларын дұрыс қалыптастырып, балалардың білімді, дені сау, епті, күшті, сымбатты болып өсуіне көңіл бөлу қажет»-деген. Олай болса, бүгін сіздер математиканың, спорттың жұмбақты да, қызықты әлеміне сапар шегесіздер. Және сіздер бұл әлемнің сан алуан екендігіне көз жеткізесіздер!
Ендеше, «Спорт және математика» деп аталатын сайысымызды бастаймыз. Олай болса, математиктеріміз бен спортшыларымыз «Өркен» және «Қыран» командаларын қарсы алайық.
1. Таныстыру.
І. «Өркен» командасы.
Армандарға қол созумен келеміз,
Өмір теңіз жүзіп келер кемеміз,
Білімменен қаруланған тобымыз
«Қыран» тобын қалайда біз жеңеміз.
Ұраны:
Шынығып, шымыр боламыз
Біліммен шыңға шығамыз.
І. «Қыран» командасы.
Қиындықтан сірәде біз қашпаймыз
Алғырлықпен тапқырлықты ұштаймыз
Қиялдарға самғап ұшқан құстаймыз
Шегінбейміз жеңістерге бастаймыз.
Ұраны: Біріміз бәріміз үшін,
Бәріміз біріміз үшін.
Жүргізуші: Ойынымызды бастамас бұрын мынадай ескертулермен хабарландырамыз. Ойын 4 бөлімнен тұрады. 2 команда қатысады. Әр командада 5 ойыншыдан. Ойында білімге 5 ұпай, жылдамдыққа да 5 ұпай, барлығы 10 ұпайдан беріледі.
І. «Кенгуру» ойыны.
Ойынның шарты: Бұл ойында қапты киіп, 15 метр жердегі тапсырманы орындап, қайтып келе жатқанда төрт кубиктің дұрыс жауабы жазылған кубикті алып, жеткізген соң қапты келесі ойыншыға ұсынады. Тапсырма екі топқа бірдей беріледі.
Жақшаларды ашып, өрнекті ықшамдаңдар:
Қосуды орындаңдар:
Жұлдызшаның орнына тиісті санды қойыңдар:
Дұрыс бөлшекті тап:
ІІ. «Картоп егу» ойыны.
Ойынның шарты: Бұл ойында оқушылар допты аяғының астына қыстырып, 15 метр жердегі координаталық түзуге дейін секіріп барып, себетте тұрған картопты жүйекке дұрыс етіп егеді және шелектегі сумен суарады. (бұл ойында 15 метр жерде координаталық түзу кескінделген, сол түзуге себетте тұрған дөңгелек карточкадағы сандарды дұрыс орналастырып, шелектегі қағаз қиқымдары арқылы сан аралығын белгілейді).
Тапсырма:
| р/с | «Өркен» | «Қыран» |
| 1. | 2-ден 9-ға дейінгі аралық. | -3 пен 7 саны қоса алынған -3-тен 7-ге дейінгі аралық |
| 2. |
|
|
| 3. |
2 9 | -3 7 |
|
| Интервал | Кесінді |
ІІІ. «Көкпар» ойыны.
Ойынның шарты: Бұл ойында оқушылар бірін-бірі арқалап, қарсылас топпен жарыса отырып, берілген тапсырманың дұрыс жауабын тақтаға ілінген шарлардан тауып алып бірінші болып алып қашуы керек.
Қарама-қарсы сандардың қосындысы неге тең?
3 санына қарама-қарсы санды тап.
5 санына кері сан қандай сан?
Өзара кері сандардың көбейтіндісі неге тең?
ІҮ. «Секіріп ойлан»
Ойынның шарты: Бұл ойында топ басшылары сайысқа түседі. Скалкалкамен секіріп барғанша санның еселіктерін өсу ретімен, келгенше кему ретімен айтып барып келеді.
Тапсырма:
| р/с | «Өркен» | «Қыран» |
| 1. | 12-нің еселіктерін айту. | 13-тің еселіктерін айту. |
| 2. | 12, 24, 36, 48, .... | 13, 26, 39, 52, .... |
| 3. | .... , 48, 36, 24, 12 | ...., 52, 39, 26, 13 |
Қорытынды:
Сайыс қорытынды шығарумен және мұғалімнің жеңімпазды құттықтау сөзімен аяқталады.
