Дарынды балалармен жұмыс
Жоспар:
1.Дарынды және қабілетті оқушылар,оларға білім беру жүйесін жетілдірудің әдістемелік негіздері.
2.Қабілетті дамытудың негіздері.
3.Оқушылардың шығармашылық әрекетін дамытудың ғылыми педагогикалық проблемасы.
Дарынды балалармен жұмыстың мақсаты:
- Оқушылардың танымдылық,біліктілік қабілетін дамытып,ғылымға деген қызығушылығын қалыптастыру, өз бетімен ғылыми-зерттеу жұмыстарымен айналысуға жағдай жасау болып табылады.
Міндеттері:
- Дарынды, талантты, данышпан оқушыларды анықтау,қолдау және дамыту;
- Әлемді өзгертуге белсенді қатысатын шығармашылық тұлғаны тәрбиелеу;
- Жеке білім алу үшін жағдай жасау арқылы осы оқушыға тән қабілетті дамыту;
- Оқушының ғылыми-зерттеу және оқу-танымдылық қызметін ынталандыру.
Дарындылықты жалпы,арнаулы деп 2-ге бөліп қарастырған.
- Жалпы дарындылық - жеке бастың өз ойын жаңа талаптар,мақсаттар мен міндеттерді орындауға ,саналы түрде бағыттай алатын қабілет деп түсіндіріледі.
- Арнаулы дарындылық – дегеніміз белгілі бір бағытта ерекше қабілеттер таныта білуі./сурет, қолөнер/
Дарынды балалар және қабілетті балалардың ерекше белгілері:
1.Көбінесе шапшаң, тез ойлайды;
2.Көп көлемде білім меңгереді;
3.Білімді ұзақ уақыт ойға сақтап,ұмытпайды;
4.Түсінігі өте жоғары , сезімтал алдына қойған мақсатын қалай да орындауға тырысатын,адамгершілік сезімі ерте дамып,моральдық қасиеттерге бай, қиял күші басым;
5.Таңдау қабілетінің кең болуы.
Ішкі сезімі жағынан ерекшелігі:
1.Айналасына өте сезімталдықпен қарайды;
2.Айтылатын ойды тез ұғыну;
3.Жасынан байқалатын идеализм;
4.Ерекше үздік үлгерім таныту;
5.Ықылас қойған бір тақырыпты әр жерде негізгі мәселе етіп қою.
Физикалық ерекшеліктері:
1.Сезім мүшелері қабылдауының ерекше болуы;
2.Жан дүниесінің тереңдігі;
3.Теориялық және көркемдік құндылықтарға ерекше мән беруі;
4.Талап және ішкі күш жігерінің жоғарғы деңгейде болуы;
5.Жиі –жиі ойға берілу.
Әлеуметтік тұрғысынан ерекшелігі:
1.Өз талап, тілектерін орындауы;
2.Әлеуметтік мәселелерде тиімді және нақты шешімдер ұсынуы;
3.Жоғарғы моральдық қасиеттерге ие болуы
4. Өзіне-өзі сенімділік;
5. Әлеуметтік мәселелерді дұрыс түсінуі, қоғамның әділет, әсемдік турашылдық сияқты жоғарғы талаптарымен шұғылдануы.
Дарындылық интеллектуальдық,шығармашылық және лидерлік
- Баланың дарындылық деңгейін ары қарай дамыту үшін тума талант қабілетін арттыру үшін, пән мұғалімдері олардың логикалық ойлауын жетілдіріп,шығармашылық деңгейде жұмыс істетумен ,жаңалық ашуға жетелейтін жұмыстардың түрлері мен формаларын сабақта,сабақтан тыс уақытта жүргізгені дұрыс.
Дарынды балалармен жұмыс істейтін мұғалімнің жеке басының қасиеттері мен кәсіби деңгейіне қойылатын талаптар
І Дарынды балалармен жұмыс істейтін мұғалімдерді іріктеудің негізгі принциптері:
- Дарынды балаларды оқыту жүйесінде мұғалім негізгі фактор болып табылады.
- Дарынды балалармен жұмыс істейтін мұғалімдерге жоғары талаптар қойылады.
- Бастауыш сыныпта оқитын дарынды баламен кез келген мұғалім жұмыс істей алмайды.
- Дарынды балалармен жұмыс істейтін мұғалімнің өзіндік «жағымды» Мені болуы керек.
(Өзін төмен бағалайтын мұғалім дарынды шәкірт алдында қорқыныш сезімінде болады.)
- Табысты педагогикалық тәжірибесі болуы керек.
- Эмоционалдық тұрақтылық.
- Мақсатқа жетуге ұмтылу.
- Шығармашылық бастама.
- Мұғалімнің кәсіби компетенттілігі арнаулы теориялық дайындығының тәжірибемен тығыз ұштасуына негізделеді.
- Арнаулы бағдарлама құруды өзгелердің тәжірибесіне сүйену үшін арнайы бағдарламен таныс болуы керек.
- Өзге пәндерден қажетін ала білу.
- Дарынды баламен мұғалімнің ділі бір болған дұрыс.
ІІ Дарынды балалармен жұмыс істейтін мұғалімнің жеке басының қасиеттері:
- Мейірімді, сезімтал.
- Дарынды балалар психологиясы, ерекшелігін біледі, олардың қызығушылығы мен қажеттілігін сезеді.
- Интеллектуалды даму деңгейі жоғары.
- Қызығушылығы мен икемі кең.
- Педагогикалық мамандығынан өзге де білімі бар.
- Дарынды балаларды оқытумен байланысты түрлі міндеттерді орындауға әзір.
- Белсенді.
- Әзілқой (бірақ сарказм қажет емес)
- Өзінің көзқарасын өзгертуге, үнемі өзін жетілдіруге дайын.
- Өзіндік жеке әлемтану.
- Өмірге төзімді, дені сау.
- Жоғары оқу орнынан кейін дарынды балалармен жұмыс жөнінде арнайы дайындығы болып, әлі де арнайы білімді ашуға дайын болу.
