14-сабақ.
Сабақтың тақырыбы: Тілім менің байлығым
Сабақтың мақсаты. Білімділік:Қазақ халқының тіл өнері,шешендік сөздері,қазақ тарихындағы салт-дәстүрлер туралы түсініктерін кеңейту.
Дамытушылық:Халық мәдениетін тіл арқылы насихаттап,ана тілінің адам тіршілігіндегі рөлі туралы ойын дамыту.
Тәрбиелілік:Мемлекеттік тілі-ана тілін құрметтеуге үйрету
Сабақтың түрі: аралас сабақ.
Сабақтың әдісі: түсіндіру,сұрақ-жауап,әңгімелеу, ой толғау
Сабақтың типі: жаңа білімді меңгерту
Сабақтың көрнекіліктері: Суреттер
I.Ұйымдастыру кезеңі:
Оқушылардың сабаққа дайындығын тексеру,амандасу,түгелдеу.
II.Үй тапсырмасын тексеру.
Өздерінің жеті атасын жатқа сұрау.
III. Жаңа сабақ.
-Балалар,сендер үш биді жақсы білесіңдер.Үш биден басқа тағы қандай билерді білесіңдер?
-Олар туралы не білесіңдер?
-Ел тағдырын шешкен дана билер,шешендер,тіл құдіретін көп танытып,асыл сөздер мен ұлағатты пікірлерді ғасырдан ғасырға жоғалтпай жеткізіп,халықтың алтын қазынасына айналдырған.
Елбасы Нұрсұлтан Назарбаевтың 1998 жылдың 20 қаңтарындағы жарлығына сәйкес 22 қыркүйек «Қазақстан халықтарының тілдері» күні ретінде аталып келеді.Тіл халықпен бірге өмір сүріп дамиды,себебі әр ұлттың тілі оның бақыты,тірегі.Қазақ халқы тіл өнері мен шешендікке зор мән берген.Атақты билер мен шешендер,ақындар мен жыраулар да дау шешіп,айтысқан кездерде ұйқастыра өлеңдетіп сөйлеген.
Ендеше,бізде бүгін өлең сөздердің төркініне үңіліп көрейік.
IV. «Ұйқасын тап» ойыны
Ана тілін білмейтін (Ештеңені сезбейтін надан)
Түк сезбеген балаң (Жақсылық көрме одан)
Жүйрік тілді ақын бол (Жақсылыққа жақын бол)
Ақындардың бірі бол (Туған елдің ұлы бол)
Сергіту сәті:
Жел улейді у-у
Құйын келіп билейді зу-зу
Қатты, қатты жел соқты гу-гу
Жапырақтар қол соқты ду-ду
V.Өлеңді түсініп оқы.
Асан қайғы, Жиренше,
Жәнібек пен қойлыбай
Ата-анамыз әлдилеп,
Сөйлеп өткен қазақ тіл.
Сыйлап өткен ғажап тіл.
Уатқан бізді баба тіл
-Ана –тіліміз туралы тағы қандай өлеңдер білесіңдер?
Мақал –мәтелдер айту.
Тіл- тас жарады,Тас жармаса бас жарады.
Өнер алды қызыл тіл.
Тіл бар жерде өмір бар.
Тіл қылыштан өткір.
VI.Дәптермен жұмыс.
«Тіл татулық тірегі» тақырыбына шағын әңгіме жаз.
VII.Қорытындылау:Ана-тілің туралы не білдің?
Үйге тапсырма: «Тілім- менің байлығым!» шығарма жаз.
