Сабақтың тақырыбы: Өнерін өнеге еткен Нұрғиса Тілендиев.
Үйретілетін ән: «Саржайлау».
Тындалатын музыка: «Әке туралы жыр».
Музыка сауаты: Ырғақтың күрделі түрлері.
Сабақтың мақсаты: Оқушылардын музыкаға деген қызығушылығын арттыру, естту ойлау қабілеттерін дамыту. Логикалық ой өрістерін арттыру. Композитор туралы түсінік беру. Оқушылардын өз білімдерін жетілдіру.
Сабақтың түрі: Жана сабақты түсіндіру.
Сабақтың әдісі: Сұрақ - жауап.
Сабақтың көрнекілігі: Композитордың суреті, әннің сөзі, күй табақ, т.б.
Сабақтың барысы: Ұйымдастыру бөлімі: Үй тапсырмасын тексеру.
Жана сабақты түсіндіру: «Өнерін өнеге еткен Нұрғиса Тілендеиев».
Қазақстанда кәсіби вокалдық музыка ән-романс жанырынан бастау алды.
♫- Романс- Испан ақсүйек қауымының поэтикалық-лирикалық әні.
Қазақстандағы ән-романс жанырына алғаш жол салған композитор: Н. Тілендиев. Ән-романстары жас ұрпақты Отанын сүюге, адамгершілікке, табиғатты қорғауға баулиды.
Нұрғиса Тілендиев (1925-1998ж.ж).
Нұрғиса Тілендиев - дарынды композитор, дирижер және домбырашы.
Ол фольклорлық - этнографиялық «Отырар сазы» оркестрін құрып, көркемдік жетекшісі және бас дирижері болды.
Н. Тілендиев – халыққа кеңінен танымал «Алатау», «Құстар қайтып барады», «Әже туралы жыр», «Өз елім», «Әке туралы жыр», «Саржайлау», «Кел, еркем, Алатауым», Абайдың сөзіне жазылған «Жесымда ғылым бар деп ескермедім» ән-романстарының, «Ата толғауы», «Көш керуен» сияқты көптеген күйлердің авторы. Оның оркестрге арналған «Махамбет», «Арнау», «Жеңіс салтанаты» сияқты көлемді поэмалары бар.
Музыкалық сауат: Ырғақтың күрделі түрлері.
Нота ұзақтығы негізгі бөлінуден өзгеше болып келсе, ырғақтың күрделі түрлері шығады:
Үш нотаның орнына екі нота келсе, ол дуоль деп аталады.
Екі нотаның орнына үшеуі келіп тұрған ырғақты триоль дейді.
Үш немесе төрт нотаның орнына бес нота келетін ырғақты квинтоль
деп атайды.
Тындалатын шығарма: «Әке туралы жыр»
Әнін жазған: Н. Тілендиев. Өлеңін жазған: М. Шаханов.
Баяу, ойлы орындалады.
Күй табақтан тындалады. 4-куплет.
Дауыс жаттықтыру: До-можор гаммасы.
До, ре, ми, фа, соль, ля, си, до.
Үйретілетін ән: «Саржайлау».
Әнін жазған: Н. Тілендиев. Өлеңін жазған: М. Мақатаев.
Жылдам шырқата орындалады.
1-2рет қайталап өзім айтып көрсетемін, содан кейін оқушыларға айтқызамын. Күй табақтан үйретіледі. 4-куплет.
Сұрақ – жауап:
Романс деген не?
Қазақстандағы ән-романс жанырына алғаш жол салған композитор кім?
Н. Тілендиев кім?
Нешінші жылдары өмір сүрді?
Қандай шығармаларын білесін?
Қандай шығармаларын тындадық?
Ал қандай әнін үйрендік?
Қандай музыкалық сауатпен таныстық? т.б.
Үй тапсырмасы: Өткенді қайталап, бүгінгі өткен тақырыбымызды оқып түсінігімізді айтып келеміз. Әндерімізді жаттап жүреміз.
Бағалау: «5», «4», «3».
