Тәрбиеші: - Армысыздар, ұстаздар, оқушылар мен қонақтар! Бәріміздің асыға күткен Наурыз тойымыз келіп жетті. Тойларыңыз құтты болсын!
Наурыз – «жаңа күн» деген сөз. Бұл күн – біздің ата – бабаларымыз, арғы тегіміз мыңдаған жылдардан бері тойлап келе жатқан жыл басы мерекесі. Наурыз тойымыз құтты болсын! Ұлыстың ұлы күні деп аталған Наурызда денсаулықтарыңыз мықты болсын, тілектеріңіз қабыл болсын!
Уа, жарандар, жарандар,
Бәрің бері қараңдар!
Наурыз думан басталды,
Бір сәт зейін салайық.
Ұштасқан оймен мәңгілік
Біздерде бар сан ғұрып,
Ғасырлардан ғасырға
Келе жатқан жаңғырып.
Бермен жақын тұрыңдар,
Сөзіме көңіл бұрыңдар.
Жауқазындай наурыздың
Жарапазан жыры бар. Ортаға ән шашуларымен мектепалды тобының оқушыларын шақырамыз.
Тәрбиеші: - Ал енді ағайын бойымызды бір серігітіп алайық. Қазақтың ұлттық ойыны «Ханталапайды»о йнайық. (Ойын шартымен таныстырады)
Тәрбиеші:
Ендігі кезекті мың бұралған бишілерге береміз.
Би: «Кесе»
Тәрбиеші:
Ұлыс күні кәрі-жас
Құшақтасып көріскен.
Жаңа ағытқан қозыдай
Жамырасып өріскен. Ендігі кезекті оқушыларымыздың тақпақтарына берейік.
Тәрбиеші:
Ұлыс күні қар еріп,
Сай-салалар гүрілдер.
Көк шөбі шығып желкілдеп,
Дүние біткен күлімдер.
Ойын. Енді ұлдарымыздың мергендігі мен шыдамдылығын анықтау мақсатында асық атып жарыстырайық. Ортаға 3 ұлдарымызды шақырайық.
Тәрбиеші:
наурыз көктем мерексі.
Наурыз ән мерекесі
Наурыз би мерекесі.
Ән: «Көңілді көктем»
Тәрбиеші:
Наурыз тойын жұп жазбай
Қошеметпен қарсы алайық.
Досқа құшақ ашайық.
Өлең-жырға басайық.
Қазақтың бір салты деп
Тойға шашу шашайық.
Қазақтың тағы салтымен танысайық. Тәй-тәй басқан балаға алғаш қадамын аттағанда тұсау кесер рәсімі өткізіледі. Осы салтты түсіндіру үшін ортаға әжелерімізді шақырамыз.
Тәрбиеші:
Қазақтың дастарханы наурыз мейрамына мол жайылады. Қазағымыз ұлыстың ұлы күні ақ мол болсын деген ниетпен дастархан басына ақ тағамдарды көп қояды. Ортамызға Маржанды наурыз дастарханымен таныстыруға шақырамыз.
Тәрбиеші:
Арда өсіп, адал емген ақ уызың,
Қалдырған ғасырларға нәрлі ізін.
Көк бөрілі байрағын желбіретіп,
Көк түріктер тойлаған Наурызым!
Наурыз мерекесі құтты болсын! Келесі жылы амандықта жүздескенше!
«Қандыағаш қалалық № 1 орта мектебі» КММ
«Қош келдің, әз Наурыз!»
(ертеңгілік)
Өткізген: Өтемұратова Л.М
Сыныбы: МАД «Б»
2017-2018 оқу жылы
